Jonna Häkkilä

Jonna Häkkilä (FI)
Lappi universitehta

Jonna Häkkilä lea prošeavtta njunušdutki (Principal Investigator, PI). Son lea industriijalaš hábmema professora Lappi universitehtas Suomas, ja son lea jođihan máŋggaid prošeavttaid main teknologiija ja hábmen gávnnadit. Son lea beroštuvvan geavaheaddjái vuogas hábmemis ja ávkkástallat hábmema vássánáiggi, dálá áiggi ja boahtteáiggi gaskasaš gaskavuođaid duddjomii.

Maija Mäkikalli (FI)
Lappi universitehta

Maija Mäkikalli lea kulturhistorihkkár ja su guovddáš suorgi lea materiála kultuvrras ja hábmemis. Son lea bargan lektorin ja dutkin Lappi universitehta dáidda- ja kulturoahpuid ovttadagas jagi 2004 rájes. Digitála beassu sámi kulturárbái -prošeavttas son bargá prošeaktahoavdan.

Elina Luiro

Elina Luiro (FI)
Lappi universitehta

Elina Luiro lea hábmejeaddji Lappi universitehtas, dáidaga ja hábmema dieđagottis. Su duogáš lea industriijalaš hábmemis (MoA), ja son lea bargan máŋgga jagi priváhtta sektoras earret eará dáiddalaš bagadallin (AD). Digitála beassu sámi kulturárbái -prošeavttas Elina bargá gráfalaš hábmejeaddjin.

Iiris Kestilä

Iiris Kestilä (FI)
Lappi universitehta

Iiris Kestilä lea juridihka doavttirstudeanta Lappi universitehtas. Su dutkanberoštumit leat earret eatá juridihkalaš teoriija ja filosofiija sihke maid geavatlaš áššit dego dutkanetihkka. Son lea ovdal bargan ođđa čuolbmaduvvi teknologiijaiguin ja IPR-suorggis. Son hábme prošeavttas ehtalaš rávvagiid sámi arkiivamateriálaid geavaheami várás ovttas sámi ovddideaddjiiguin.

Tuomo Toljamo (FI)
Oulu universitehta

Tuomo Toljamo MSc (tekn.) MA (eŋgelasgiela filologiija) lea digitála humanista guhte bargá Oulu joavkkus plánejuvvi ohcanbálvalusa teknihkalaš hábmemiin ja implementeremiin. Dasa lassin Tuomo bargá maid iežas doavtternággosiin, mas son guorahallá digitála kopiijaid ávkkástallama digitála akademalaš doaimmahanbarggus.

Fatemeh Moradi

Fatemeh Moradi (SE)
Ubmi universitehta

Fatemeh Moradi lea veahkkeprofessora Ubmi universitehta informatihka ossodagas Ruoŧas. Sus lea doavttirárvu olbmuid ja dihtoriid gaskasaš vuorrováikkuhusa suorggis, ja son bargá dál Ubmi joavkkus digitála arkiivva geavahanlavtta hábmemiin. Fatemeh lea maid mielde eará prošeavttain iežas ossodagas. Su dutkanberoštumit leat hábmema ovttastumis fysalaš diŋgga ja digitála entitehta hábmemis ja dan váikkuhusas.

Eeva-Kristiina Harlin (FI)
Sámi arkiiva, Suopma

Eeva-Kristiina Harlin studere konkrehtalaš sámi árbbi máhcahanpolitihka doavttirdutkin Oulu universitehta Giellagas-instituhtas Suomas. Son lea ovdal bargan suopmelaš ja norgalaš sámemuseain ja ovdamearkka dihte kárten sámi čoakkáldagaid davviriikkalaš ja eurohpalaš museain. Dán prošeavttas Eeva-Kristiina bargá eurohpalaš ja davviriikkalaš arkiivvaid geavatlaš kártema plánejeaddjin.

Suvi King (FI)
Sámi arkiiva, Suopma

Suvi King bargá arkiváran Sámi arkiivvas Anáris, Suomas. Su barggut lea máŋggaláganat, ja daidda gullet ee. diehto- ja áššehasbálvaleapmi, čoakkáldagat, organiseren, válddahallan ja PR. Dán prošeavttas sus lea bargun fállat áššedovdámuša arkiverensuorggis ja veahkehit prošeavtta bargiid dasa guoski gažaldagaiguin.

Juha Heinonen (FI)
Suoma riikkaarkiiva

Juha Heinonen lea Suoma riikkaarkiivva boarrásut dutki, ja son bargá Sámi arkiivvas Anáris. Prošeavttas Juha bargá Sámi arkiivvas prošeavtta jođiheaddjin. Su beaivválaš bargguide gullet eanáš Interreg-prošeavttat ja digitála priváhtta arkiivvat.

Nils Johan Eira (NO)
Sámi arkiiva, Norga

Nils Johan Eiras lea magisttardutkkus eamiálbmotjournalismmas Sámi allaskuvllas. Son lea sápmelaš ja lea bargan badjealmmájin, televišuvnnas, ođasjournalistan, ja son lea maid ráhkadan neahttasiidduid nuoraide NRK Sápmái. Su dálá sajádat lea prošeaktajođiheaddjin ja ráđđeaddin Norgga Riikkaarkiivvas, Sámi arkiivva ossodagas.

Linnea Öhlund (SE)
Ubmi universitehta

Linnea Öhlund lea magistarstudeanta olbmo ja dihtora vuorrováikkuhusa ja sosiála media prográmmas Ubmi universitehtas, Ruoŧas.  Sus lea kandidáhttadutkkus digitála media buvttadeamis ja son lea beroštuvvan sihke hábmemis ja iešguđetlágan digitála aspeavttain dego geavaheaddjigeahččalemiin ja geavaheaddjivásáhusas. Son bargá dál Ubmi bargojoavkkus geavahanlavtta hábmemiin ja digitála arkiivva geavaheaddjigeahččalemiiguin.

Hanna Nordin (SE)
Ubmi universitehta

Hanna Nordin lea aiddo bargamin iežas magistardutkosiin olbmo ja dihtora vuorrováikkuhusa dutki prográmmas Ubmi universitehtas. Sus lea kandidáhtadutkkus digitála media buvttadeamis ja erenoamáš beroštupmi gráfalaš hábmemii ja geavahanvásáhussii. Son bargá Ubmi bargojoavkku oassin digitála arkiivva hábmemiin ja geavahanlavttain, ja lea erenoamáš beroštuvvan das mo digitála arkiivva sáhttá hábmet stuorra muitalusaid vuorkán.

Esa-Pekka Tuppi (FI)
Lappi universitehta

Esa-Pekka Tuppi lea dutkanassisteanta Lappi universitehta dáidaga ja hábmema dieđagottis, ja bargá prošeavttas gráfalaš hábmejeaddjin. Dasa lassin son lea dál Lappi universitehta studeantagotti ságajođiheaddji.

Matilda Kalving (FI)
Lappi universitehta

Matilda Kalving bargá dutkanassisteantan Lappi universitehta dáidaga ja hábmema dieđagottis. Son barggai televišuvnnas ja teáhterliseanssaiguin sihke gráfalaš hábmemiin ovdal industriála hábmema oahpuid. Dán prošeavttas son bargá hábmemiin mas geavaheaddji lea guovddážis, geavahahttivuođaiskkademiin ja pilohtaiguin.

Johan Anders Paulsen (NO)
Sámi arkiiva, Norga

 

Mun lean sámedievdu ja mu duogáš lea medias ja dokumenterendiehtagis. Mun lean bargan guhká bálvalansuorggis, maiddái máŋgga jagi ovtta Norgga stuorimusaide gulli hoteallajoavkkus.
Mun lean maiddái bargan gierdomátketeknihkkárin Beaivváš Sámi Teáhteris.
Mun barggan Arkiivalágádusas, Sámi Arkiivvas bajit jođiheaddjin, ja mun barggan dál dán prošeavttas, eanáš Nils Johana veahkkin.